அவர்கள் கைகொட்டிச் சிரிக்கிறார்கள்
சிரிக்கட்டும்.
முயலாதவர்களின் எக்காளச் சிரிப்பு.
தோற்றுவிட்டோமென ஏளனமாய்....
முயலாதவர்களின் எக்காளச் சிரிப்பு.
முயலாதவர்கள் தோற்பதில்லைத்தான்.
என்றாலும் அவர்கள் வெல்வதுமில்லையே.....
அவர்களின் சிரிப்பைத் தட்டி விடுகிறேன்...
பின்புறத்தில் ஒட்டிய மண்ணைத் தட்டுவதாய்...
முயன்று தோற்ற இறுமாப்போடு.
என்னால் மீண்டும் முயல இயலும்,
என்னால் மீண்டும் தோற்க முடியும்,
என்னால் மீண்டும் வெல்லவும் முடியும்...........
